Ticker

6/recent/ticker-posts

யாழில் கத்திக்குத்துக்கு இலக்கான சிறுமி ஆபத்தான நிலையில்


யாழ்ப்பாணம், சாவகச்சேரி பகுதியில் உறவினர்களுக்கு இடையிலான தகராறு கத்தி குத்தில் முடிவடைந்ததில், கத்திக்குத்துக்கு இலக்கான சிறுமி ஆபத்தான நிலையில் வைத்தியசாலையில் அனுமதிக்கப்பட்டுள்ளார். 

நாவற்குழி 300 வீட்டுத் திட்டம் பகுதியை சேர்ந்த துவாரகா (வயது 12) எனும் சிறுமியே படுகாயமடைந்துள்ளார்.

குறித்த பகுதியில் உள்ள வீடொன்றில் நேற்றைய தினம் ஞாயிற்றுக்கிழமை நிகழ்வொன்று நடைபெற்றுள்ளது. 

அந்நிகழ்வில் கலந்துகொண்ட உறவினர்களுக்கு இடையில் வாய்த் தர்க்கம் ஏற்பட்டதையடுத்து அது கைகலப்பக மாறியது.

அதன் போது ஒருவர், பிறிதொருவரை கத்தியால் குத்த முனைந்த போது, அங்கிருந்த சிறுமியின் கழுத்துப் பகுதியில் கத்தி குத்தியுள்ளது. 

அதனை அடுத்து அங்கிருந்தவர்கள் சிறுமியை மீட்டு , சாவகச்சேரி வைத்தியசாலையில் அனுமதித்தனர்.

சம்பவம் தொடர்பில் சாவகச்சேரி பொலிசார் விசாரணைகளை முன்னெடுத்துள்ளனர்.