• Breaking News

    ஆண்களின் இந்த சின்ன சின்ன செயல்கள்தான் பெண்களை காதலிக்கத் தூண்டுகிறதாம் தெரியுமா?


    இந்த உலகத்தில் விஞ்ஞானத்தால் இன்றும் கண்டுபிடிக்க முடியாத ஒரு விஷயம் என்னவென்றால் அது பெண்களின் மனதில் என்ன இருக்கிறது என்பதுதான். காதலில் விழுவதற்கு ஆண்களுக்கு இருக்கும் காரணமும், பெண்களுக்கு இருக்கும் காரணமும் வித்தியாசமானதாக இருக்கும். ஆண்களிடம் கேட்கும்போது பெண்ணின் உருவம், தோற்றம், பேச்சு என பல காரணங்கள் இருக்கும்.

    பெண்களை பொறுத்த வரையில் ஆண்களிடம் இருக்கும் எந்த குணங்கள் அவர்களை ஈர்க்கிறது என்பது எவராலும் கூறமுடியாது. இது ஒவ்வொரு பெண்களுக்கும் மாறுபடும், ஆண்களை பெண்களின் கண்களுக்கு அழகாக காட்டும் குணம் பல இருக்கிறது. ஆண்களை நோக்கி பெண்களை ஈர்க்கும் விஷயங்களுக்கு நீண்ட பட்டியல் உள்ளது. இதில் பல காரணங்கள் மிகவும் குழந்தைத்தனமாகவும், சாதாரண விஷயமாகவும் இருக்கும். இந்த பதிவில் பெண்களை ஈர்க்கும் ஆண்களின் சின்ன சின்ன செயல்கள் என்னவென்று பார்க்கலாம்.

    பெண்கள் பொதுவாகவே நற்பண்புகளை கொண்டவர்களை விரும்புவார்கள். ரு பெண்ணை எப்படி நடத்த வேண்டும் என்று தெரிந்த ஒருவருடன் இருக்க அவர்கள் விரும்புகிறார்கள். ஒரு ஆண் தன் கையை அவள் முதுகில் சற்று வைத்து இருக்கைக்கு அழைத்துச் செல்லும்போது ஒரு பெண் நேசிக்கிறாள். நீங்கள் அவ்வாறு செய்யும்போது அவர்கள் வசதியாகவும், பாதுகாப்பாகவும் உணர்கிறாள்.

    ஆண்களின் கடுமையான பார்வை எப்பொழுதும் பெண்களுக்கு வெறுப்பையும், சங்கடத்தையும் ஏற்படுத்தும். பெண்களை மென்மையாக பார்க்கும்போது அதனை அவர்களை நேசிக்கிறார்கள். பெண்கள் நேரடியாக கண்களை பார்த்து மென்மையாக பார்த்து பேசுபவர்களை எப்போதும் விரும்புவார்கள்.

    உடலை கட்டுக்கோப்பாக வைத்திருக்கும் பெண்களை ஆண்கள் எப்பொழுதும் விரும்புவார்கள் என்பது வெளிப்படையான ஒன்றாகும். பெண்களுக்கும் இது பொருந்தும், கட்டுமஸ்தான உடலமைப்பைக் கொண்ட ஆண்களை பெண்கள் எப்பொழுதும் நேசிப்பார்கள். உடற்பயிற்சி செய்யும்போது ஆண்களின் உடலில் ஏற்படும் வியர்வை பெண்களை ஈர்க்கும் ஒன்றாக இருக்கிறது. இறுக்கமான தசைகள் மற்றும் பரந்த தோள்கள் பெண்களால் எப்பொழுதும் தவிர்க்கமுடியாதவை.

    நீங்கள் விரும்பும் பெண்ணை உண்மையில் நீங்கள் கவர விரும்பினால் அவர்கள் என்ன விரும்புகிறார்கள் என்பதை நீங்கள் தெரிந்து வைத்துக்கொள்ள வேண்டும். அவர்கள் உணவை அதிகம் விரும்புபவர்கள் என்றால் நீங்கள் கண்டிப்பாக அவர்களுக்கு சமைத்து கொடுக்க வேண்டும். அவர்களுக்காக நீங்கள் செய்யும் சின்ன சின்ன சமையல் கூட உங்கள் மீதான அவர்களின் ஈர்ப்பை அதிகரிக்கும்.

    இந்த உலகில், பெண்களுக்கு எதிரான கொடூரமான குற்றங்கள்நாளுக்கு நாள் அதிகரித்துக் கொண்டே இருக்கிறது, நீங்கள் பெண்ணின் பாதுகாப்பை உறுதி செய்யும் பொறுப்பை ஏற்றுக்கொண்டால், அவர் உங்களால் ஈர்க்கப்படுவார் என்பதில் ஆச்சரியமில்லை. அவர்கள் உங்களை வெளிப்படையாக ரசிக்காவிட்டாலும் உங்களை பற்றிய எண்ணம் அவர்கள் மனதில் உயரும். இதனை அவர்களை ஈர்ப்பதற்காக மட்டும் செய்யாதீர்கள், அவர்கள் மீதான உண்மையான அக்கரையில் செய்யுங்கள்.

    பெண்களுக்கு தங்கள் ஆதரவைக் காட்டும் மற்றும் அவர்களுக்கு உதவி வழங்கும் ஆண்கள் அவர்கள் அபிமானத்தை எளிதில் பெற இயலும். உதவி செய்யத் தயாராக இருக்கும் ஆண்களையும், சரியான அறிவுரையையும் வழங்கும் ஆண்களை பெண்கள் ரசிப்பார்கள். தன்மீது உண்மையான அக்கறை இருக்கிறதா என்பதை பெண்கள் இதை வைத்தே கண்டறிவார்கள்.