Ticker

6/recent/ticker-posts

இந்திய வம்சாவளியை சேர்ந்தவருக்கு பொருளாதாரத்துக்கான நோபல் பரிசு அறிவிப்பு


அபிஜித் பானர்ஜி மேற்குவங்க மாநிலத் தலைநகர் கொல்கத்தாவில் பிறந்தவர். தற்போது அமெரிக்காவில் குடியேறி அந்நாடின் குடியுரிமை பெற்றுள்ளார்

ஸ்டாக்ஹோம் (ஸ்வீடன்): இந்திய வம்சாவளியை சேர்ந்தவர் உள்பட 3 பேருக்கு நடப்பாண்டுக்கான பொருளாதாரத்துக்கான நோபல் பரிசு அறிவிக்கப்பட்டுள்ளது.


உலகின் உயரிய விருதாக மதிக்கப்படும் நோபல் பரிசு, இயற்பியல், மருத்துவம், அமைதி, வேதியியல், இலக்கியம், பொருளாதாரம் உள்ளிட்ட துறைகளில் சிறந்து விளங்கும் நபர்களுக்கு வழங்கப்பட்டு வருகிறது.



இந்நிலையில், 2019ஆம் ஆண்டுக்கான நோபல் பரிசுகள் கடந்த சில நாட்களாக அறிவிக்கப்பட்டு வருகிறது. அந்த வகையில் மருத்துவத்துக்கான நோபல் பரிசுகள் ஸ்வீடன் தலைநகர் ஸ்டாக்ஹோமில் இன்று (அக்.,14ஆம் தேதி) அறிவிக்கப்பட்டது.



அதன்படி, 2019ஆம் ஆண்டுக்கான பொருளாதாரத்துக்கான நோபல் பரிசு அபிஜித் பானர்ஜி, எஸ்தர் டஃப்லோ, மைக்கேல் கிரீமர் ஆகிய 3 பேருக்கு கூட்டாக அறிவிக்கப்பட்டுள்ளது. சர்வதேச அளவில் வறுமையை ஒழிக்கும் திட்டங்களை வகுத்ததற்காக பொருளாதாரத்துக்கான நோபல் பரிசு இந்த மூவருக்கு அறிவிக்கப்பட்டுள்ளதாக தெரிவிக்கப்பட்டுள்ளது.


இதில், அபிஜித் பானர்ஜி மேற்குவங்க மாநிலத் தலைநகர் கொல்கத்தாவில் பிறந்தவர். தற்போது அமெரிக்காவில் குடியேறி அந்நாடின் குடியுரிமை பெற்றுள்ளார்.அத்துடன் மிகவும் குறைந்த வயதில் பொருளாதாரத்துக்கான நோபல் பரிசை அறிவிக்கப்பட்டவர் என்ற பெருமையை எஸ்தர் டஃப்லோ பெற்றுள்ளார். அவருக்கு வயது 46. அபிஜித்தும், எஸ்தர் டஃப்லோவும் கணவன் மனைவி என்பது குறிப்பிடத்தக்கது.