• Breaking News

    சர்வதேச மது ஒழிப்பு தினத்தை முன்னிட்டு மதுபான சாலைகள் மூடப்படும்


    சர்வதேச மது ஒழிப்பு தினத்தை முன்னிட்டு எதிர்வரும் 3 ஆம் திகதி மது விற்பனை நிலையங்கள் மூடப்படவுள்ளன.
    சர்வதேச மது ஒழிப்பு தினத்தை முன்னிட்டு நாட்டில் உள்ள அனைத்து மதுபான சில்லறை விற்பனை கலால் அனுமதி பத்திரம் பெற்ற நிலையங்கள் நாளை மறுதினம் (ஒக்டோபர் 3) மூடுவதற்கு கலால் திணைக்கள ஆணையாளர் நாயகம் உத்தரவு பிறப்பித்துள்ளார்.
    இதற்கு அமைவாக நாளை மறுதினம் (ஒக்டோபர் 3) நாடு முழுவதிலும் உள்ள அனைத்து மதுபான சில்லறை விற்பனை கலால் பத்திர அனுமதியுடனான நிலையங்கள் மூடப்படுவதை உறுதி செய்வதற்கு தேவையான நடவடிக்கைகள் மேற்கொள்ளப்படும்.
    கலால் திணைக்களத்தின் இந்த உத்தரவை மீறும் மதுபான விற்பனைக்காக திறக்கப்படும் அனுமதி பெற்ற நிலையங்களுக்கு எதிராக கடும் நடவடிக்கைகளை மேற்கொள்வதற்கு கலால் திணைக்களம் அதிகாரிகளுக்கு ஆலோசனை வழங்கியுள்ளது.
    நாட்டில் உள்ள அனைத்து மதுபான விற்பனை நிலையங்களை உள்ளடக்கிய வகையில் மேற்கொள்ளப்படும் இந்த நடவடிக்கையைப் போன்று சட்ட விரோத மதுபான விற்பனைக்கு எதிராகவும், சட்ட விரோத போதைப்பொருள் தயாரிப்பு, எடுத்து செல்லல், வைத்திருத்தல், விற்பனை செய்தலை தடுப்பதற்கும், சட்டத்தை மீறுவோரை கைது செய்து நீதி மன்றத்தில் ஆஜர்படுத்துவதற்கும் கலால் திணைக்கள அதிகாரிகளுக்கு ஆலோசனை வழங்கப்பட்டுள்ளது.
    இந்த பணிகளை வெற்றிகரமாக நிறைவு செய்வதற்காக நாடு முழுவதிலுமுள்ள 58 கலால் திணைக்கள நிலையங்களுக்கு உட்பட்ட சுமார் 1,000 பேரை உள்ளடக்கிய குழுவினர் அந்தந்த மாகாணத்திற்கு பொறுப்பான உதவி கலால் ஆணையாளர் மற்றும் அந்தந்த மாவட்டத்திற்கு பொறுப்பான கலால் திணைக்கள அதிகாரிகளுக்கு இந்த உத்தரவு பிறப்பிக்கப்பட்டுள்ளது.