Ticker

6/recent/ticker-posts

Airtel Digital TV: அதிரடி விலைக்குறைப்பு; Tata Sky-ஐ தூக்கி சாப்பிட்ட ஏர்டெல் | Trincoinfo


இந்திய சந்தையில் நிகழும் ஸ்மார்ட்டிவிக்களின் படையெடுப்பானது எங்கு சென்று முடியும் என்று கேட்டால், இதோ இங்குதான் சென்று முடியும்; ஏர்டெல் டிஜிட்டல் டிவி ஆனது அதன் சமீபத்திய விலைக்குறைப்புகளை அறிவித்துள்ளது.

ஒருபக்கம் இந்தியாவில் மிகவும் மலிவு விலையிலான ஸ்மார்ட் டிவிக்கள் அறிமுகம் ஆகிக்கொண்டே இருக்க, மறுபக்கம் டி.டி.எச் ஆப்ரேட்டர்கள் தங்கள் செட்-டாப் பாக்ஸ்களின் விலையை ஆக்ரோஷமாகக் குறைத்து, தங்களது தளத்தில் அதிக சந்தாதாரர்களை சேர்த்து வருகிறார்கள்.

அதனொரு பகுதியாக சமீபத்தில் டாடா ஸ்கை மற்றும் டிஷ் டிவி ஆனது, புதிய வாடிக்கையாளர்களுக்கான எச்டி எஸ்டிபிகளின் விலையை குறைத்தது. அவைகளை தொடர்ந்து இப்போது, ஏர்டெல் டிஜிட்டல் டிவி இந்த பட்டியலில் சேர்ந்துள்ளது.

புதிய விலை நிர்ணயங்கள்!
ஏர்டெல் டிஜிட்டல் டிவி இப்போது தனது எச்டி செட்-டாப் பாக்ஸை புதிய வாடிக்கையாளர்களுக்கு ரூ.1,300 என்கிற விலையில் வழங்கி வருகிறது, அதே நேரத்தில் நீங்கள் ஒரு எஸ்டி செட்-டாப் பாக்ஸை ரூ.1,100 க்கு வாங்கலாம்.

அதாவது டாடா ஸ்கையை விட குறைவு!
ஒப்பீட்டில், டாடா ஸ்கை எச்டி எஸ்டிபிக்கு நீங்கள் ரூ.1,499 என்கிற செலவையும் மற்றும் எஸ்டி எஸ்டிபிக்கு ரூ.1,399 என்கிற செலவையும் நீங்கள் செய்ய வேண்டியிருக்கும். ஆக ஏர்டெல் டிஜிட்டல் டிவியின் விலை ஆனது குறைவான பக்கத்தில் உள்ளதென்பது வெளிப்படை.

முதல் இடத்தை இழந்த டிஷ் டிவி!
ஆண்ட்ராய்டு டிவியை அடிப்படையாகக் கொண்ட செட்-டாப் பாக்ஸை அறிமுகப்படுத்திய டிஷ் டிவி, அதன் புதிய வாடிக்கையாளர்களுக்கு Dish NXT HD STB-ஐ ரூ.1,590 க்கு வழங்குகிறது. சமீபத்தில் டிஷ் டிவி ஆனது டாடா ஸ்கை நிறுவனத்திடம் தனது முதல் இடத்தை இழந்தது என்பது இங்கே குறிப்பிடத்தக்கது.

ஏர்டெல் டிஜிட்டலின் நிலை என்ன?
இந்தியாவில் நிலவும் செட்-டாப் பாக்ஸ்களின் மீதான ஆக்கிரமிப்பு விலை நிர்ணயம், ஈர்க்கக்கூடிய வாடிக்கையாளர் சேவை மற்றும் பரந்த அளவிலான சேனல் பேக்ஸ் போன்றவைகளே அதற்கு காரணமாக பார்க்கப்படுகிறது.

ஏர்டெல் டிஜிட்டல் டிவிக்கு நாடு தழுவிய தடம் இருந்தாலும், சந்தாதாரர் தளமென்று வரும்போது டாடா ஸ்கை மற்றும் டிஷ் டிவிக்கு பின்னால் தான் உள்ளது.

ஏர்டெல் டிஜிட்டல் டிவி vs டாடா ஸ்கை vs டிஷ் டிவி: எது மலிவானது?
கடந்த வாரம், டிஷ் டிவி ஆனது தனது முதல் இடத்தை இழந்ததாகவும், டாட்டா ஸ்கை நிறுவனம் ஆனது அந்த இடத்தை அடைந்துள்ளதாகவும், இப்போது அது தான் சந்தாதாரர்களின் அடிப்படையில் இந்தியாவின் முன்னணி டிடிஎச் ஆப்ரேட்டராக உள்ளது என்றும் டிராய் அறிவித்தது.

செட்-டாப் பாக்ஸ் விலைகளை பொறுத்தவரை, டாடா ஸ்கை அதன் எச்டி எஸ்டிபிக்கு ரூ.1,499 வசூலிக்கிறது, அதைத் தொடர்ந்து எஸ்டி எஸ்டிபிக்கு ரூ.1,399 என்கிற விலை நிர்ணயத்தை செய்துள்ளது.

ஏர்டெல் டிஜிட்டல் டிவி ஆனது அதன் புதிய வாடிக்கையாளர்கள் எச்டி பாக்ஸை ரூ.1,300 க்கும், எஸ்டி பாக்ஸை ரூ.1,100 க்கும் வழங்குகிறது.

டிஷ்என்எக்ஸ்டி எச்டி செட்-டாப் பாக்ஸ் ஆனது தற்போது ரூ.1,590 க்கு வாங்க கிடைக்கிறது. மேலும் நிறுவனம் அதன் எஸ்.டி.பி. உடன் வாழ்நாள் உத்தரவாதத்தையும் அளிக்கிறது, இது மற்ற டி.டி.எச் ஆப்ரேட்டர்கள் வழங்காத ஒன்றாகும்.


மேலே நாங்கள் குறிப்பிட்டுள்ள விலைகளில் இன்ஸ்டாலேஷன் கட்டணங்களும் உள்ளதா என்பது பற்றி எங்களுக்கு தெளிவில்லை. எனவே இணைப்பை முன்பதிவு செய்தபின் அந்தந்த டி.டி.எச் ஆப்ரேட்டரை அணுகி இதனை சரிபார்க்கும்படி பரிந்துரைக்கப்படுகிறீர்கள்.